ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតី បំពាក់មេដាយជូនមន្ត្រីរាជការ និងមន្រ្តីជាប់កិច្ចសន្យា
by Admin-Kanel | October 6, 2025 4:45 pm
នៅព្រឹកថ្ងៃចន្ទ ១៤កើត ខែអស្សុជ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៦ ខែតុលា ឆ្នាំ២០២៥ ចាប់ពីម៉ោង៩:១០ នៅអាជ្ញាធរជាតិប្រយុទ្ធនឹងជំងឺអេដស៍ មានរៀបចំពិធីបំពាក់មេដាយជូនមន្ត្រីរាជការ និងមន្ត្រីជាប់កិច្ចសន្យា ក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹជំងឺអេដស៍។ អញ្ជើញចូលរួមក្នុងពិធីនេះមាន ឯកឧត្តម លោកជំទាវ លោក លោកស្រី នាងកញ្ញា ជាអនុប្រធាន អគ្គលេខាធិការ ទីប្រឹក្សា អគ្គលេខាធិការរង ប្រធាននាយកដ្ឋាន អនុប្រធាននាយកដ្ឋាន ប្រធានការិយាល័យ អនុប្រធានការិយាល័យ មន្ត្រី និងមន្ត្រីជាប់កិច្ចសន្យាសន្យា។
បន្ទាប់ពីឯកឧត្តមបណ្ឌិត ឈឹម ឃិនដារ៉េត អគ្គលេខាធិការអានអនុក្រឹត្យស្តីពីការជូនមេដាយការងារ ឯកឧត្តមទេសរដ្ឋមន្ត្រីបានមានប្រសាន៍ថា ការរៀបចំកម្មវិធីបំពាក់មេដាយនេះជាការផ្តល់កិត្តិយសជូនមន្ត្រីរាជការដែលបានធ្វើការលើសពី១០ឆ្នាំ ហើយមិនបានមេដាយ។ នៅថ្ងៃនេះ មន្ត្រីរាជការនិងមន្រ្តីជាប់កិច្ចសន្យាដែលទទួលបានការបំពាក់មេដាយមានចំនួន១៣នាក់។ ឯកទេសរដ្ឋមន្ត្រីបានគូសបញ្ជាក់បន្ថែមថា ចំពោះមន្ត្រីផ្សេងទៀតមានដែលបានបំពេញការងារមិនទាន់គ្រប់១០ឆ្នាំ និងមន្ត្រីដែលធ្លាប់បានទទួលគ្រឿងឥស្សរិយយសហើយ ឯកឧត្តមទេសរដ្ឋមន្ត្រី ស្នើគណៈកម្មត្រួតពិនិត្យ វាយតម្លៃ និងចាត់ថ្នាក់ក្នុងការផ្តល់គ្រឿងឥស្សរិយយស ដំឡើងឋានន្តរស័ក្តិ ថ្នាក់ ព្រមទាំងដាក់វិន័យមន្រ្តីរាជការរៀបចំសំណុំឯកសារ ដើម្បីស្នើសុំទៅរាជរដ្ឋាភិបាលនៅពេលក្រោយ។
មុននឹងបញ្ចប់កម្មវិធី ឯកឧត្តមទេសរដ្ឋមន្ត្រីបានបំពាក់មេដាយសំរឹទ្ធការងារ និងប្រគល់ប្រកាសនីយប័ត្រជូនមន្រ្តីទាំង១៣រូប។
Source URL: https://iengmouly.net/km/2025/10/06/%e1%9e%af%e1%9e%80%e1%9e%a7%e1%9e%8f%e1%9f%92%e1%9e%8f%e1%9e%98%e1%9e%91%e1%9f%81%e1%9e%9f%e1%9e%9a%e1%9e%8a%e1%9f%92%e1%9e%8b%e1%9e%98%e1%9e%93%e1%9f%92%e1%9e%9a%e1%9f%92%e1%9e%8f%e1%9e%b8-8/