ឯកឧត្តមទេសរដ្ឋមន្ត្រី អៀង មូលី បានអញ្ជើញជាអធិបតីដ៏ខ្ពង់ខ្ពស់ ក្នុងវេទិការសាធារណៈ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយនិងយុទ្ធសាស្រ្តបញ្ចកោណដំណាក់កាលទី១ របស់ក្រុមការងារ រាជរដ្ឋាភិបាលចុះមូលដ្ឋានស្រុកបសេដ្ឋ ខេត្តកំពង់ស្ពឺ
by Admin-Kanel | November 19, 2025 4:29 pm
នៅព្រឹកថ្ងៃព្រហស្បតិ៍ ៨រោច ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៥ នៅវត្តបរសេដ្ឋចាស់ ឯកឧត្តមទេសរដ្ឋមន្ត្រី អៀង មូលី អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបរសេដ្ឋបានអញ្ជើញជាអធិបតីដ៏ខ្ពង់ខ្ពស់ ក្នុងវេទិការសាធារណៈ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយនិងយុទ្ធសាស្រ្តបញ្ចកោណដំណាក់កាលទី១ របស់ក្រុមការងារ រាជរដ្ឋាភិបាលចុះមូលដ្ឋានស្រុកបសេដ្ឋ ខេត្តកំពង់ស្ពឺ។
អញ្ជើញចូលរួមក្នុងពិធីនេះមាន ឯកឧត្តម លោកជំទាវ លោក លោកស្រីជា ប្រធាន អនុប្រធានក្រុមការងាររាជរដ្ឋាភិបាលចុះមូលដ្ឋានទាំង១៥ឃុំ អនុប្រធានអចិន្ត្រៃយ៍ទាំង១៥ និងប្រជាពលរដ្ឋ សរុបប្រមាណ ៣០០នាក់។
កម្មវិធីប្រព្រឹត្តទៅតាមរបៀបវារៈដូចខាងក្រោម៖
- ប្រកាសហេតុ
- គោរពទង់ជាតិនៃព្រះរាជាណាចក្រកម្ពុជា
- របាយការណ៍ស្វាគមន៍របស់លោកឈុំ វណ្ណរក្ស អភិបាលរងស្រុក តំណាងលោកសំអឿន សុបញ្ញា
- មតិសំណេះសំណាល និងបើកអង្គវេទិកា ដោយឯកឧត្តមទេសរដ្ឋមន្ត្រី អៀង មូលី
- វេទិកាសំណួរនិងចម្លើយ
- របាយការណ៍បូកសរុបវេទិការ
- មតិសំណេះសំណាល បិទវេទិកា
- គោរពទង់ជាតិនៃព្រះរាជាណាចក្រកម្ពុជាបិទកម្មវិធី
Source URL: https://iengmouly.net/km/2025/11/19/%e1%9e%af%e1%9e%80%e1%9e%a7%e1%9e%8f%e1%9f%92%e1%9e%8f%e1%9e%98%e1%9e%91%e1%9f%81%e1%9e%9f%e1%9e%9a%e1%9e%8a%e1%9f%92%e1%9e%8b%e1%9e%98%e1%9e%93%e1%9f%92%e1%9e%8f%e1%9f%92%e1%9e%9a%e1%9e%b8-5/