Posted inUncategorized
មតិអ្នកអាន
ខ្ញុំបានចំណាយពេលជាង ២សប្តាហ៍ដើម្បីអានដោយយកចិត្តទុកដាក់លើដំណើររឿងផ្ទាល់ខ្លួនរបស់បង និងក្រុមគ្រួសារបងនៅភូមិស្នាយពល និងដំណើរវិវឌ្ឍន៍នៃចលនាតស៊ូ រ.ជ.រ.ប.ខ. ក្នុងសៀវភៅ «ជីវិតលើផ្លូវបត់បែនទៅរកសន្តិភាព» ។ សៀវភៅនេះពិតជាមានតម្លៃណាស់សម្រាប់ការយល់ដឹងរបស់ខ្ញុំ ជាពិសេសសាវតាតស៊ូរបស់បង ក៏ដូចជាថ្នាក់ដឹកនាំនានាក្នុងអតីតកាល ។ បងពិតជាពូកែនិពន្ធតាក់តែងឃ្លាឃ្លោង និងរៀបចំរចនាសម្ព័ន្ធសៀវភៅស្រួលមើល និងស្រួលយល់ណាស់ ដោយផ្តល់ពុទ្ធិដល់មនុស្សគ្រប់គ្នាដើម្បីស្វែងយល់រឿងរ៉ាវផ្សេងៗពីអតីតកាលក្នុងផ្លូវស្វែងរកសន្តិភាពសម្រាប់ប្រទេសយើង ។ ខ្ញុំសូមលើកដៃបួងសួងគោរពជូនពរបង និងបងស្រី ព្រមទាំងក្រុមគ្រួសារបងទាំងអស់មានសុខភាពល្អ និងអាយុយឺនយូរគ្រប់ៗគ្នា ។ ពីខ្ញុំបាទ សំណាង (ខ្ញុំធ្លាប់បានជិះឡានទៅលេងភូមិស្នាយពលម្តងដែរកាលពីពីរខែមុន ទៅជាមួយមិត្តភក្រ្តគេមានផ្ទះនៅភូមិនោះក្រោយពីចេញពីអាពតមក)។